Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ և 42-րդ կետերի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի 17-րդ կետի, հաշվի առնելով Նարինե Մարգարյանի դիմումը (մուտք՝ 2021 թվականի օգոստոսի 19-ի N 184) և հիմք ընդունելով Հայաստանի Հանրապետության հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2021 թվականի դեկտեմբերի 06-ի N 254 դրական եզրակացությունը, Աբովյան համայնքի ավագանին ո ր ո շ ու մ է.
1. Նարինե Մարգարյանին սեփականության իրավունքով պատկանող (հիմք՝ 2020 թվականի սեպտեմբերի 10-ի N 10092020-07-0045 վկայական, կադաստրային ծածկագիր՝ 07-054-0302-0037) Աբովյան համայնքի Պտղնի գյուղում գտնվող 0.1038 հեկտար մակերեսով հողամասից 0.03 հեկտար մակերեսով գյուղատնտեսական նշանակության հողամասի նպատակային նշանակությունը փոփոխել բնակավայրերի նպատակային նշանակության (հատակագիծը կցվում է)։
2. Նարինե Մարգարյանը պարտավոր է եռամսյա ժամկետում Աբովյանի համայնքապետարանի 900105201363 հաշվեհամարին վճարել 1 332 540 (մեկ միլիոն երեք հարյուր երեսուներկու հազար հինգ հարյուր քառասուն) դրամ՝ հողամասերի կադաստրային արժեքների նպատակային նշանակության փոփոխման պահին առկա տարբերությունը:
3. Սույն որոշումն ուժի մեջ է մտնում Նարինե Մարգարյանին որոշման ընդունման մասին իրազեկելու օրվան հաջորդող օրվանից: