Քննարկվեցին հետևյալ հարցերը.

1.    Աշխատակազմ մուտքագրված դիմումների և գրությունների վերաբերյալ.

(Վ. Բաբաջանյան, Է. Բաբայան) – 10.10.2023թ. դրությամբ աշխատակազմում մուտքագրված դիմումների և գրությունների պատասխանների, հանձնարարականների կատարման ժամկետների խախտումներ չկան։
(Է. Բաբայան, Վ. Բաբաջանյան)  - Շարունակել ամենօրյա ուշադրության տակ պահել դիմումների և գրությունների ժամկետների վերահսկումը՝ աշխատակազմի գործավարության կարգի նհամապատասխան։

Ընդունվեց ի գիտություն։              

2. Աշխատակազմում համայնքային ծառայության թափուր պաշտոնների մրցույթների աշխատանքների մասին.
(Վ. Բաբաջանյան, Է. Բաբայան) – Աշխատակազմի համայնքային ծառայության յոթ թափուր պաշտոնները զբաղեցնելու համար հայտարարված մրցույթներն անց են կացվելու հոկտեմբերի 10-ին և 17-ին։

(Է. Բաբայան, Վ. Բաբաջանյան) - Ընդունվեց ի գիտություն։        

3. Ավագանու հերթական նիստի նախապատրաստական աշխատանքների մասին.
(Վ. Բաբաջանյան, Է. Բաբայան, կառուցվածքային ստորաբաժանումների ղեկավարներ) - 2023 թվականի հոկտեմբերի 12-ի հերթական նիստի նախապատրաստական աշխատանքներն ավարտվել են, օրակարգում ընդգրկված հարցերի փաթեթները ներկայացվել են իրավասու մշտական հանձնաժողովների քննարկմանը։

(Է. Բաբայան, Վ. Բաբաջանյան) – Ընդունվեց ի գիտություն։     

4. Համայնքային ենթակայության կազմակերպություններում նոր նշանակված տնօրենների ժամանակավոր պաշտոնակատարների մասին.

(Վ. Բաբաջանյան, Է. Բաբայան) – «Աբովյանի քաղաքային տնտեսություն» և «Աբովյանի երեխաների աջակցության կենտրոն» ՀՈԱԿ-ներում տնօրենի ժամանակավոր պաշտոնակատարներ են նշանակվել համապատասխանաբար Սևակ Ասիրյանը և Վիկտորիա Սաֆարյանը, որոնք ներկայացվել են կազմակերպությունների աշխատակիցներին։

(Է. Բաբայան) – Շնորհավորում եմ պաշտոններում նշանակվելու կապակցությամբ, մաղթում եմ աշխատանքային ձեռքբերումներ։

5. Արցախից բռնի տեղահանված անձանց հաշվառման աշխատանքների մասին.

(Ա. Զաքարյան, Է. Բաբայան) Աբովյանի համայնքապետարանը շարունակում է իրականացնել Արցախից բռնի տեղահանված մեր   հայրենակիցների ընդունման, հաշվառման, ուղղորդման աշխատանքները: Ս/թ հոկտեմբերի 9-ի դրությամբ Աբովյան համայնքում հաշվառվել է 156 ընտանիք՝ 5907 անձ։ 

(Է. Բաբայան, Ա. Զաքարյան)  - Շարունակել աշխատանքները ամենօրյա ռեժիմով։

 Ընդունվեց ի կատարումն։

6. Երևանյան փողոցի 1-ին շենքում տեղի ունեցած հրդեհի մասին.

(Է. Բաբայան, Դ. Զարոյան, Ս. Գրիգորյան) – Կարգավորել ս/թ հոկտեմբերի 9-ին Երևանյան փողոցի 1-ին շենքում տեղի ունեցած հրդեհի հետևանքով առաջացած խնդիրները։

Ընդունվեց ի կատարումն։

7. Համայնքի գերեզմանատներում 2023 թվականին կատարված հուղարկավորությունների մասին.

(Ս. Ասիրյան, Է. Բաբայան) – Ներկայացվեցին ընթացիկ տարվա ընթացքում համայնքի գերեզմանատներում իրականացված հուղարկավորության դեպքերի վերաբերյալ տվյալները (գերեզմանատեղի հատկացումներ և ընտանեկան գերեզմանատներում հուղարկավորություններ)։

(Է. Բաբայան, Ս. Ասիրյան) - Ընդունվեց ի գիտություն։   

8. Քննարկվեցին նաև այլ ընթացիկ հարցեր։