Աբովյան համայնքի բնակավայրերում շրջայցերը շարունակվում են:
Համայնքի ղեկավար Էդուարդ Բաբայանը Կաթնաղբյուր բնակավայրում ոլորտային պատասխանատուների, վարչական ղեկավարի և բնակիչների հետ դիտարկել է ընթացիկ տարվա համար նախատեսված և կատարված աշխատանքները:
Կաթնաղբյուրում համայնքի ղեկավարը եղել է 2024թ. սուբվենցիոն ծրագրի շրջանակում վերակառուցված 4-րդ փողոցում, որտեղ շուրջ 320 մ երկարությամբ և 6 մ լայնությամբ կատարվել են հիմնանորոգման և ասֆալտապատման աշխատանքներ:
Կատարված աշխատանքները գոհացրել են բնակիչներին, վերջիններս հանդիպմանը շնորհակալություն են հայտնել համայնքի ղեկավարին արված աշխատանքի և նկատելի փոփոխությունների համար:

Աբովյան քաղաքի բազմաբնակարան շենքերի բակային հատվածներում և այգիներում պարբերաբար իրականացվում են խաղահրապարակների վերակառուցման ու նորոգման աշխատանքներ:
Աբովյանի քաղաքային տնտեսության կողմից բարեկարգման ծավալուն աշխատանքներ են կատարվել 3-րդ մշ. 13 շենքի դիմահայաց այգում:
Տարբեր տարիքի երեխաների խաղային ու մարզական ժամանցը ապահովելու համար նորոգվել և տեղադրվել են խաղասարքեր, զուգափայտեր, նստարաններ: Վերանորոգվել է նաև ֆուտբոլի և բասկետբոլի համար նախատեսված խաղադաշտը: Այգում կատարվել են ցանկապատման և ներկման ծավալուն աշխատանքներ:

Աբովյան համայնքի հարգելի՛ բնակիչներ.
Տեղեկացնում ենք, որ համայնքի գյուղական բնակավայրերի վարչական կենտրոններում գործարկվում են POS-տերմինալներ, որոնց միջոցով բնակիչները կարող են կատարել անկանխիկ վճարումներ բանկային քարտերով:
POS-տերմինալներով հնարավոր է վճարել անշարժ գույքի հարկը, փոխադրամիջոցների գույքահարկը, համայնքի մանկապարտեզների և արտադպրոցական ուսումնական հաստատությունների վարձավճարները: