Բացակայում էր Հովհաննես Սարգսյանը (վատառողջ էր)։

1. Աբովյան համայնքի ավագանու հերթական նիստի մասին.
(Վ. Բաբաջանյան, խորհրդակցության մասնակիցներ, Է. Բաբայան) – Աբովյան համայնքի ավագանու հերթական նիստը կայանալու է մարտի 18-ին, ժամը 16.00-ին։ Նիստի օրակարգում ներառված է թվով 34 հարց, ավագանու իրավասու մշտական  հանձնաժողովներում հարցերը քննարկվել են սահմանված կարգով։
(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի գիտություն։

2. Աշխատակազմում համայնքային ծառայության թափուր պաշտոնների համար անցկացվող մրցույթների վերաբերյալ.
(Վ. Բաբաջանյան, խորհրդակցության մասնակիցներ, Է. Բաբայան) – Աշխատակազմում առկա համայնքային ծառայության թափուր 3 պաշտոնի համար սահմանված կարգով մարտի 7-ին անցկացվել են մրցույթներ, հաղթղ մասնակիցներն արդեն իսկ նշանակվել են համապատասխան պաշտոններում։ Մարտի 18-ին կկայանա Աշխատակազմի քաղաքաշինության և հողաշինարարության բաժնի պետի թափուր պաշտոնի համար հայտարարված մրցույթը։
(Է. Բաբայան, Վ. Բաբաջանյան) - Ընդունվեց ի գիտություն։

3. Աշխատակազմում հանձնարարականների կատարողականի ներկայացում (2025թ. փետրվարի 24-ից մարտի 16-ը ներառյալ).
(Ս. Չիտչյան, Է. Բաբայան) –Նշված ժամանակահատվածում աշխատակազմ մուտքագրվել է 1009 գրություն և դիմում, ձևավորվել է 546 ելից գրություն, նախապատրաստվել է համայնքի ղեկավարի 271 որոշում, https://permits-backend.e-gov.am/am/dashboard հարթակի միջոցով տրվել է 105 թույլտվություն, իսկ ՀՀ կառավարության 23.02.2024թ. N 243-Ն որոշմամբ սահմանված ընթացակարգին համապատասխան մուտքագրվել է 26 գրություն։ Հանձնարարականների՝ ժամկետների խախտմամբ կատարման դեպքեր առկա չեն։
(Է. Բաբայան, Վ. Բաբաջանյան, Ս. Չիտչյան, խորհրդակցության մասնակիցներ)  - Ընդունվեց ի գիտություն։

4. Նախորդ գործակարգավարական խորհրդակցության ժամանակ տրված հանձնարարականի կատարման ընթացքի մասին ( N 3990  հանձնարարական).
(Վ. Բաբաջանյան, Դ. Երեմյան, Է. Բաբայան) – Նախորդ գործակարգավարական խորհրդակցության ժամանակ տրվել էր N 3990 հանձնարարականը։
(Դ. Երեմյան, Է. Բաբայան) Հանձնարարականի կատարումը գտնվում է ընթացքի մեջ։ Հետագա ընթացի ապահովման համար ներկայացվել է համապատասխան զեկուցագիր, որի համաձայն նախ՝ երկարաձգվել է ժամկետը, ապա՝ որպես համակատարողներ են նշանակվել աշխատակազմի իրավաբանական ու քաղաքաշինության և հողաշինարարության բաժինները։ Արդյունքների մասին կներկայացվի լրացուցիչ զեկույց այդ հանձնարարականի համար սահմանված ժամկետներում։
(Է. Բաբայան, Դ. Երեմյան) –Ընդունվեց ի գիտություն։

5. Աբովյան համայնքի բյուջեի եկամուտների մասին.
(Ա. Չոբանյան, Է. Բաբայան) – Համայնքի բյուջեի եկամուտների հավաքագրումն ընթանում է բնականոն ընթացքով, առկա են բավարար միջոցներ համայնքի զարգացման առկա ծրագրերի ֆինանսական ապահովման համար։ Բացի այդ, համայնքի 2025 թվականի բյուջեի առաջին եռամսյակի կատարողականի վերաբերյալ համապատասխան նախագիծն ընդգրկված է ավագանու 18.03.2025թ. նիստի օրակարգում։ 
(Է. Բաբայան, Ա.. Չոբանյան) – Ընդունվեց ի գիտություն:

6. Աբովյան համայնքի ենթակայությամբ գործող կազմակերպություններում (մանկապարտեզներ) մշտադիտարկման և այլ ընթացիկ աշխատանքների վերաբերյալ.
(Մ.Բաղդասարյան, Է. Բաբայան) - Հաշվետու ժամանակահատվածում ընդունվել է մանկապարտեզ հաճախելու 143 առցանց դիմում, համալրվել է 32 թափուր տեղ։
Աբովյան համայնքի մանկապարտեզներում իրականացվել է թվով 12 մշտադիտարկում, որոնց ընթացքում մասնավորապես դիտարկվել է դաստիարակների աշխատանքը, տրվել են համապատասխան ցուցումներ նախադպրոցական հաստատություններում ներդրված նոր չափորոշչով սահմանված կանոններով աշխատանքները կազմակերպելու նպատակով։
Վերանայվել են համայնքային ենթակայության 21 ՀՈԱԿ-ի տարիֆիկացիոն ցուցակները, դրանք համեմատվել են համայնքի ավագանու կողմից հաստատված հաստիքացուցակների հետ, վերացվել են առկա թերություններն ու անճշտությունները։

7. Խորհրդակցության ժամանակ քննարկվեցին նաև քաղաքաշինության և հողաշինարարության, զարգացման ծրագրերի, անշարժ գույքի և համայնքի տարբեր ոլորտներին վերաբերելի այլ հարցեր, համայնքի ղեկավարի կողմից տրվեցին բանավոր ցուցումներ և հանձնարարականներ։