1.    Աշխատակազմ մուտքագրված դիմումների, գրությունների հանձնարարականների կատարողականի ներկայացում (1-ին կիսամյակ, 2024թ.հունվարի 1–հունիսի 30-ը, այսուհետ՝ հաշվետու ժամանակահատված).
(Վ. Բաբաջանյան, Է. Բաբայան) –Հաշվետու ժամանակահատվածումաշխատակազմ մուտքագրվել է 7423 մտից գրություն և դիմում, պատրաստվել է 4397 ելից գրություն, համայնքի ղեկավարի 3042 որոշում, 326 կարգադրություն և այլն։Հանձնարարականների ժամկետի խախտումով կատարման դեպքեր չեն արձանագրվել։         
(Է. Բաբայան, Վ. Բաբաջանյան, խորհրդակցության մասնակիցներ)  - Շարունակել ամենօրյա ուշադրության տակ պահել դիմումների և գրությունների ժամկետների վերահսկումը՝ աշխատակազմի գործավարության կարգին համապատասխան։ Բացի այդ, լուրջ ուշադրություն դարձնել քաղաքացիներից և տարբեր կազմակերպություններից ստացված գրություններին և դիմումներին ի պատասխան ձևավորված ելիցներին, շարունակաբար կատարելագործել դրանց բովանդակային բաղադրիչը։        
(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի կատարումն։

2.Աբովյան համայնքի ենթակայությամբ գործող ոչ առևտրային կազմակերպության տնօրենի թափուր պաշտոնի համալրման վերաբերյալ։

(Վ. Բաբաջանյան, Է. Բաբայան)–Սույն թվականի հուլիսի 3-ին կայանալու է Աբովյան համայնքի «Աբովյանի քաղաքի թիվ 5 մանկապարտեզ» ՀՈԱԿ-ի տնօրենի թափուր պաշտոնի համար մրցույթը։ Մրցույթի նախապատրաստական աշխատանքներն ավարտված են։

(Է. Բաբայան, Վ. Բաբաջանյան) - Ընդունվեց ի գիտություն։

3. Աբովյան համայնքի ղեկավարի մոտ 17.06.2024թ. կայացած խորհրդակցության ժամանակ տրված հանձնարարականների կատարման ընթացքի մասին.

3.1. Աբովյան համայնքին պատկանող վարչական շենքերում տեղակայված արևային կայանքների աշխատանքների մշտադիտարկման վերաբերյալ.
(Վ. Բաբաջանյան, Է. Բաբայան) - Աբովյան համայնքին պատկանող վարչական շենքերում, նաև ՀՈԱԿ-ներում, տեղադրված արևային կայանքներն ենթարկվել են մշտադիտարկման, ընդհանուր առմամբ 5 բնակավայրի 9 արևային կայանք։ Մշտադիտարկման պահին բոլորն էլ եղել են աշխատանքային վիճակում։
(Է. Բաբայան, Գոռ Հակոբյան, Վահագն Բարսեղյան, Հրայր Գրիգորյան, Սամվել Թորոսյան, Ստեփան Հակոբյան– Մշտական հսկողության ներքո պահել արևային կայանքների աշխատանքը։

Ընդունվեց ի կատարումն։     
  
3.2. Աբովյան համայնքի սեփականություն հանդիսացող գյուղատնտեսական տեխնիկայի և մեքենա-սարքավորումների վիճակի և դուրսգրման հարցի վերաբերյալ.
(Ա. Չոբանյան, Է. Բաբայան) - Աբովյան համայնքին սեփականության իրավունքով պատկանող գյուղատնտեսական մեքենաների, մեքենա-սարքավորումների վիճակի գնահատման, գույքագրման աշխատանքների համար ստեղծվել համապատասխան հանձնաժողով, որն արդեն իսկ սկսել է աշխատանքները։
Ընդունվեց ի գիտություն։   
     
3.3.Աբովյան համայնքի ենթակայությամբ գործող կազմակերպություններին (մանկապարտեզներ) առաջին անհրաժեշտության գույքի ձեռքբերման վերաբերյալ.
(Դ. Երեմյան, Մ. Բաղդասարյան, Է. Բաբայան) –Աբովյան համայնքի ենթակայությամբ գործող կազմակերպություններին (մանկապարտեզներ) առաջնային կարիքների գնահատումնու ամբողջացումը գտնվում է ընթացքում և համայնքի ղեկավարին կներկայացվի ժամանակին։    

Ընդունվեց ի գիտություն։

3.4. Աբովյան համայնքի սեփականություն հանդիսացող և երկարաժամկետ վարձակալությամբ տրամադրված անշարժ գույքերի վարձակալության պայմանագրերով նախատեսված ժամկետների և վճարների վերաբերյալ.

(Ա. Հարությունյան, Ջ. Սարգսյան, Վ. Սավադյան, Ա. ՉոբանյանԷ. Բաբայան) –Վարձակալության պայմանագրերը գտնվում են ուսումնասիրության փուլում և ժամկետում։ Ավարտելուն պես կներկայացվի ամբողջական տեղեկատվություն
Ընդունվեց ի գիտություն։

4. Աբովյան համայնքի բնակավայրերի վարչական ղեկավարների նստավայրեր/ վարչականշենքեր մատակարարվող ինտերնետ կապի տեխնիկական և որակական կողմերի ուսումնասիրություն.      
(Է.Բաբայան, Արմեն Նալբանդյան, Ա.Չոբանյան, վարչական ղեկավարներ) – Ուսումնասիրել Աբովյան համայնքի բնակավայրերի վարչական ղեկավարների նստավայրեր/ վարչական շենքեր մատակարարվող ինտերնետ կապի տեխնիկական և որակական կողմերը և ըստ անհրաժեշտության ներկայացնել համապատասխան առաջարկություններ։
Ժամկետ՝ 15 օր։

Ընդունվեց ի կատարումն։