Նախքան խորհրդակցությունը սկսելը համայնքի ղեկավարը պատասխանատուներին հարց ուղղեց մայիսի 11-ին Աբովյան համայնքում բարձրացած քամու և դրա պատճառած հնարավոր հետևանքների և վնասների մասին։ Համայնքի ղեկավարին զեկուցվեց, որ համայնքում քամուց վնասներ չեն արձանագրվել։

Աբովյանի համայնքապետարանի աշխատակազմի (այսուհետ՝ Աշխատակազմ) փաստաթղթաշրջանառության վերաբերյալ 2025 թվականի ապրիլի 14-մայիսի 8-ը ներառյալ.

1.    Աբովյան համայնքի ավագանու հերթական նիստի մասին.
(Վ. Բաբաջանյան, խորհրդակցության մասնակիցներ, Է. Բաբայան) – Աբովյան համայնքի ավագանու հերթական նիստը կայանալու է մայիսի 22-ին, ժամը 16.00-ին։ Ընթանում են նիստի օրակարգում ներառվելիք հարցերի քննարկման աշխատանքները։

(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի գիտություն։

2.  Տեղական ինքնակառավարման մարմինների սեփական լիազորությունների իրականացման նկատմամբ սպասվող իրավական հսկողության աշխատանքներին նախապատրաստվելու մասին.
(Վ. Բաբաջանյան, խորհրդակցության մասնակիցներ, Է. Բաբայան) – Ընթացիկ տարվա երկրորդ կեսին Աշխատակազմում սպասվում է իրավական հսկողություն՝ «Տեղական ինքնակառավարման մասին» օրենքի 95-րդ հոդվածի 1-ին  մասի համաձայն։ Առաջարկվում է ոլորտային պատասխանատուներին և կառուցվածքային ստորաբաժանումների ղեկավարներին՝ ևս մեկ անգամ ուշադրություն դարձնել համապատասխան ոլորտները կարգավորող իրավական ակտերին, ըստ անհրաժեշտության կատարել անհրաժեշտ շտկումներ։
(Է. Բաբայան Վ. Բաբաջանյան, խորհրդակցության մասնակիցներ) – Ըստ անհրաժեշտության ներկայացնել առաջարկություններ ոլորտները կարգավորող իրավական ակտերում փոփոխություններ կամ լրացումներ կատարելու մասին (ժամկետ՝ 30 օր)։

3. Աշխատակազմում հանձնարարականների կատարողականի ներկայացում.
(Ս. Չիտչյան, խորհրդակցության մասնակիցներ, Է. Բաբայան) - Համայնքային կառավարման տեղեկատվական համակարգի տվյալների համաձայն՝ Աշխատակազմ է մուտքագրվել 1167 գրություն, որոնց հիմքով տրվել են համապատասխան հանձնարարականներ։ Նախապատրաստվել է 556 ելից գրություն, համայնքի ղեկավարի 422 որոշում, 36 կարգադրություն, աշխատակազմի քարտուղարի 23 հրաման։   

https://permits-backend.e-gov.am/am/dashboard հարթակի միջոցով տրվել է 205 թույլտվություն, իսկ ՀՀ կառավարության 23.02.2024թ. N 243-Ն որոշմամբ սահմանված ընթացակարգին համապատասխան մուտքագրվել է 56 գրություն։ Թվարկված աշխատանքների կատարման ժամանակ աշխատակազմի աշխատողների կողմից ժամկետների էական խախտումներ և նախապատրաստված փաստաթղթերի էական վրիպումներ չեն արձանագրվել։
(Է. Բաբայան, Ս. Չիտչյան, խորհրդակցության մասնակիցներ) - Ընդունվեց ի գիտություն։

4.    Աբովյան համայնքի բյուջեի եկամուտների մասին.
(Լ. Իսահակյան, Է. Բաբայան) – Համայնքի բյուջեի եկամուտների հավաքագրումն ընթանում է բնականոն ընթացքով, առկա են բավարար միջոցներ համայնքի զարգացման առկա ծրագրերի ֆինանսական ապահովման համար։
(Է. Բաբայան Լ. Իսահակյան, Ա. Հարությունյան, Դ. Զարոյան, Ա. Շմավոնյան) – համատեղ քննարկել, ի մի բերել 2025թ. կատարվող շինարարական (կապիտալ) աշխատանքների, ինչպես նաև 2026 թվականի սուբվենցիոն ծրագրերի և համայնքի կողմից իրականացվող այլ շինարարական ծրագրերի ֆինանսական բաղադրիչը և ներկայացնել ամփոփ տեղեկատվություն (ժամկետ՝ 10 օր)։

5.    Աբովյան համայնքի ենթակայությամբ գործող կազմակերպություններում (մանկապարտեզներ) մշտադիտարկման և այլ ընթացիկ աշխատանքների վերաբերյալ.
(Մ. Բաղդասարյան, Է. Բաբայան) -ընդունվել է մանկապարտեզ հաճախելու 55 առցանց դիմում, համալրվել է՝ 14  թափուր տեղ։  Կատարվել է 17 մշտադիտարկում Աբովյան համայնքի մանկապարտեզներում, որոնց ընթացքում մասնավորապես դիտարկվել է դաստիարակների աշխատանքը, տրվել են համապատասխան ցուցումներ նախադպրոցական հաստատություններում ներդրված նոր չափորոշչով սահմանված կանոններով աշխատանքները կատարելու նպատակով։
Կատարվել է 2 այց թիվ 5 և 9 մանկապարտեզներ՝ աշխատանքային կարգապահության բարելավման նպատակով։
Ապրիլի 27-29 կազմակերպվել է «Աբովյան իմ պարի քաղաք» ամենամյա դարձած պարի փառատոնը։ Ապրիլի վերջին շաբաթ օրը Երաժշտական դպրոցում՝ արտադպրոցական հաստատությունների երեխաների կատարումների մասնակցությամբ նշվել է «Քաղաքացու օր»-ը «Շենացրու' պետությունդ, եղի'ր օրինապահ, նվիրված ու հոգատար» խորագրով, որի շրջանակներում կազմակերպված քննարկում-բանախոսությանը հյուրընկալվել էր  ԿԳՄՍ փոխնախարար Ալֆրեդ Քոչարյանը, իսկ  Գեղարվեստի դպրոցներում նույն թեմատիկայով կազմակերպվել էր բացօթյա ցուցահանդես։
Մայիսի 9-ին կազմակերպվել է Հաղթանակի և Խաղաղության տոնին նվիրված միջոցառում և շքերթ։
(Է. Բաբայան, Մ. Բաղդասարյան) Ընդունվեց ի գիտություն։

6. Գնումների ոլորտում իրականացվող աշխատանքների մասին.
(Անուշ Ծատուրյան, Է. Բաբայան) -Աբովյան համայնքի 2025 թվականի առաջին 4 ամիսների ընթացքում իրականացվել է 92 մրցույթ, որից 62-ը հայտարարվել է բաց մրցույթ, գնանշման հարցում, էլեկտրոնային աճուրդ ընթացակարգերով, որն իր հերթին ապահովել է մրցակցություն և տնտեսումներ: Ֆինանսների նախարարություն է ներկայացվել Աբովյան համայնքի 2025 թվականի առաջին եռամսյակի գնումների վերաբերյալ հաշվետվությունը:
(Է. Բաբայան, Անուշ Ծատուրյան) – Ընդունվեց ի գիտություն։

7. Խորհրդակցության ժամանակ քննարկվեցին նաև համայնքի տարբեր ոլորտներին վերաբերելի այլ հարցեր, համայնքի ղեկավարի կողմից տրվեցին բանավոր ցուցումներ և հանձնարարականներ։