Քննարկվեցին հետևյալ հարցերը.

1.    Աշխատակազմում հանձնարարականների կատարողականի ներկայացում (2024թ. հուլիսի 1-դեկտեմբերի 20-ը ներառյալ).
(Վ. Բաբաջանյան, Է. Բաբայան) –Նշված ժամանակահատվածում աշխատակազմ տրվել է թվով 6670 հանձնարարական, որոնք կատարվել են սահմանված ժամկետներում։
(Է. Բաբայան, Վ. Բաբաջանյան, խորհրդակցության մասնակիցներ)  - Շարունակել ամենօրյա ուշադրության տակ պահել հանձնարարականների ժամկետների վերահսկումը՝ աշխատակազմի գործավարության կարգին համապատասխան։ Բացի այդ, լուրջ ուշադրություն դարձնել քաղաքացիներից և տարբեր կազմակերպություններից ստացված գրություններին և դիմումներին ի պատասխան ձևավորված ելիցներին, շարունակաբար կատարելագործել դրանց բովանդակային բաղադրիչը։
(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի կատարումն։

2.Աբովյան համայնքի ավագանու հերթական նիստի մասին.
(Վ. Բաբաջանյան, խորհրդակցության մասնակիցներ, Է. Բաբայան) – Աբովյան համայնքի ավագանու հերթական նիստը կայանալու է դեկտեմբերի 24-ին, ժամը 16.00-ին։ Նիստի օրակարգում ընդգրկված բոլոր նախագծերը քննարկվել են ավագանու համապատասխան մշտական հանձնաժողովներում, ստացվել են վերջիններիս կարծիքները։
(Է. Բաբայան, Վ. Բաբաջանյան, խորհրդակցության մասնակիցներ) - Ընդունվեց ի գիտություն։

3.Աշխատակազմի կառուցվածքային ստորաբաժանումների ղեկավարների, քաղաքացիական կացության ակտերի գրանցման գործառույթներ իրականացնող մասնագետի, «Աբովյանի քաղաքային տևտեսություն» և «Աբովյանի համայնքային կոմունալ տնտեսություն» ՀՈԱԿ-ների տնօրեննորի հաշվետվությունների ներկայացում (2024թ. հուլիսի 1-դեկտեմբերի 20-ը ներառյալ).
(Ա. Ծատուրյան, Ա. Չոբանյան, Ջ. Սարգսյան, Ս. Չիտչյան, Մ. Բաղդասարյան, Ա. Զաքարյան, Հ. Մուրադյան, Ա. Շմավոնյան, Մ. Պողոսյան, Ե. Ավետիսյան, Ս.Ասիրյան, Է.Սարդարյան, Է. Բաբայան) – Լսվեցին կառուցվածքային ստորաբաժանումների ղեկավարների և քաղաքացիական կացության ակտերի գրանցման գործառույթներ իրականացնող մասնագետի հաշվետվությունները:
(Է. Բաբայան, Վ. Բաբաջանյան) - Ընդունվեց ի գիտություն։

4. Աբովյան համայնքի գյուղական բնակավայրերում ապօրինի շինարարության դեպքերի վաղ հայտնաբերման ուղղությամբ իրականացվող աշխատանքների մասին.
(Է. Բաբայան, վարչական ղեկավարներ) – Վարչական ղեկավարներին օրենսդրությամբ վերապահված լիազորությունների շրջանակներում ավելի մեծ ուշադրություն դարձնել գյուղական բնակավայրերում հնարավոր ապօրինի շինարարական աշխատանքների վաղ հայտնաբերման ուղղությամբ։
(վարչական ղեկավարներ, Է. Բաբայան) – Ընդունվեց ի կատարումն (ժամկետ՝ 15 օր)։

5. Աբովյան համայնքի տարածքում գործող առևտրի օբյեկտներում ժամկետանց սննդի հայտնաբերման և դրանց վաճառքի կանխարգելման մասին.
(Է. Բաբայան, Ն. Աբրահամյան, Մ. Պողոսյան) – Հաշվի առնելով գալիք տոնական օրերի հետ կապված առևտրի աշխուժացումը՝ օրենսդրությամբ տեղական ինքնակառավարման մարմիններին վերապահված լիազորությունների սահմաններում ավելի մեծ ուշադրություն դարձնել առևտրի օբյեկտներում ժամկետանց սննդի հայտնաբերման և դրանց վաճառքի կանխարգելման միջոցառումներին։ Համայնքային իշխանության տեսլականը ոչ միայն առողջ մրցակցությունն է, այլև քաղաքացիների կյանքն ու առողջությունը։
(Ն. Աբրահամյան, Մ. Պողոսյան, Է. Բաբայան) – Ընդունվեց ի կատարումն (ժամկետ՝ 5 օր)։

6. Խորհրդակցության ժամանակ քննարկվեցին նաև համայնքի տարբեր ոլորտներին վերաբերելի այլ հարցեր, համայնքի ղեկավարի կողմից տրվեցին բանավոր ցուցումներ և հանձնարարականներ։